السلام عليكم و حياكم الله ببلوقي الثاني ;p
انشالله يعجبكم المكان و ترتاحوله
بس من البدايه بقولها
ترى البلوق
for girls Only
مافي بوستات تنفع حق الرياييل
فــ احم اللي بيقرى حياه الله بس ترى ما راح يعجبكم الوضع ;p
مادري ليش طق ابالي اسويلي بلوق ثاني و ماكنت ادري شنو بحط فيه بس مليت من بلوقي القديم احس هذاك مو مرتب فــ حبيت اسوي بلوق يديد و فيه توجه يديد و واضح
انشالله يعجبكم اول بوست فيه ;p
بأول بوست حابه اتكلم عن لوك بالمكياج اعتمدته في اخر عرس رحتله
انا اللي كنت حاطه مكياجي و وايد طلع حلو بشهادة الكل فــ خل اشرحكم شنو استخدمت و بالضبط شلون سويته
بس نطروا على الصور حاطه وايد صور ;$
أول شي لازم نرطب الوي بكريمات
انا كنت حاطه كريمين
من ماركة
cover dream
الأخضر:maxydrat visage
الأبيض:luminous
بعدها نحط الفونديشن
خلطت جم نقطه من
maximum cover(#2)
و جم نقطه من
double wear(#1)
و اثنيننهم من
este lauder
بعدها حطيت كونسيلر من
isdora(#3)
و حطيت من مايلبين مثل كريم يعطي لمعة برونز على قولد
dream mouss bronzer (#5)
و وزعته على الخدودو من فوق ال
cheek
و على باجي الوي بس كثرت عند الخدود من فوق
و عقبهاا حطيت من سان لوران كونسيلر
(#4)
اهوه تغطيته عاديه بس حلو يعطي لمعه حلوه لؤلؤيه حق تحت العين
عقبها حطيت لوس باودر لونه ابيض من ديور بس ما صورته ;S
حق تحت العين
و عقبهاا بإستخدام فرشه كبيره حطيت من جيفنشي كومباكت
(#6)
و رديت حطيت من اللوس باودر الأبيض بكميه كبيره تحت العين مره ثانيه عشان ببدي احط الشدو
نبدي الحين بالشدو
اللوك اللي سويته كان سموكي مسحوب
استخدمت فيه 3 الوان ذهبي و برونز على بني تقريبا و مع اسود
فــ عشان نبدي
اول شي نبدي نحط شدو نايلون حق تحت الحاجب
كنت حاطه من
sea ray (#1)
و احطه على المنطقه اللي محدده فوق بالأحمر (#1) بعد
و اقدر اذا ابي احطه على كل العين عشان تبين معاي الألوان عقب اللي بحطه ك بيس يعني
عقبها ناخذ شدو لونه ذهبي
كنت ماخذته من بودي شوب ما اتوقع موجود الحين
(#2)
ونحطه بالمكان اللي مضلل بالأخضر
(#2)
نوزعه على بداية العين
و عقبها شدو لونه برونز من باليت سان لوران
(#4)
ونحطه على الجفن المتحرك و ندمجه مع الذهبي اللي حطيناه بالبدايه
يعني نحطه على المنطقه رقم (#3)اللي باللون الأصفر
و عقبها نرد ناخذ شدو لونه ذهبي من اليزابيث اردن
(#3)
ونحطه على اللون الذهبي و البرونز و ندمجهم
عقبها شدو اسود من اليزابيث اردن
(#5)
ونحطه في كسرة العين
(#4)
و ندمجه مع البرونز بحيث يعطينا لوك سموكي و احنا ندمج نسحبه لي برا باتجاه الأذون يعني
و نقدر نعيد الخطوات انه نحط برونز مره ثانيه و فوقه ذهبي
عشان لا يصير اللوك وايد اسود
و عقبها بالفرشه اللي بحط صورتها بعد شوي ناخذ من الشدو الأسود (#5)و نحطه تحت العين و نسحبه لي براا و ندمجه مع الشدو الأسود اللي تونا حطيناه
و نرد نجيك اذا اي شي محتاج تضبيط نعدله
و بالفرشه الكبيره نمسح اللوس باودر اللي تحت العين
بعدهااا نبدي نركب الرموش
بما اني بحطهم لبسه وحده و بقطهم شريتلي رموش بوطقه ;p
و طلعوا يهبلون مثل ملوت الصالون تلقونهم بجمعية كيفان واحد صوب الأجبان مثل كشك يبيع مادري شنو و عنده الرموش
خذيت حجمهم
A
(#1)
و عقبها نبدي نرسم الحواجب
انا مسويه حواجبي جاينيز في لما كنت احط الشدو النايلون مساع كنت حاسبه حساب الرسمه اللي بسويها
ابدي ارسم الحواجب من عقب الكسره اسويهم الشكل اللي ابيه بإستخدام تاتو ميكب فور ايفر رقمه 4 اللون الأسود بالصوره رقمه
(#6)
و الحواجب من جدام ما ارسمهم بالتاتو بعد لأ ارد اخذ من شدو اليزبيث اردن الأسود (#4)و باستخدام الفرشه(#5) ارسمهم من جدام بس اذا كنت ابي اضبط مثلا من جدام شكلهم انه يصير مربع احط من التاتو تحت و ارد اعدل عليه بالشدو عشان يعطي الحواجب لوك طبيعي
و عقبها ابدي احط الأيلينر و انا استخدم مال بودي شوب احبه
موجود بالصوره بس نسيت ما رقمته ;p
ارسم على الرموش خط و اخليه عريض بحيث انه يغطي على الرموش و من جدام ارسم مثل بوز بس اخليه خفيف مو اوفر وايد و من تحت ارسك بعد خط و اعرضه شوي و بعدين بإستخدام الفرشه مره ثانيه ادمج الأيلينر مع سحبة الشدو اللي تحت العين
عقب احط على الرموش مسكرا شفافه من ميكب فور ايفر
(#2)
و عقبها احط ماسكرا مالت نيفيا وايد حلوه على رموشي
(#3)
و بجذي خلصنا العين
عقبها بفرشه كبيره احط البلشر كنت حاطه واحد برونزي و الثاني على ذهبي بس ما صورته ;S
و حمره مشمشيه من بودي شوب ما صورتها بعد و فوقها قلوس من سان لوران الوردي القولدن قلوس و هم ما صورته لووول ماعليه اول بوست شوي خواره
و هذيل الفرش اللي قلت عنهم مساع الكبيره احط فيها البودر كومباكت و احط فيها بلشر بعد
و الصغيره حق رسمة الحواجب بالشدو و حق السموكي تحت العين
اتمنى عجبكم اللوك مثل ما عجبني ;p
لو اقدر جان حطيتلكم صورة عيني تقولولي رايكم بس ;p~
إنشالله عجبكم هالبوست
و
إهداء لكم
عبدالمجيد عبدالله-عمري ما فكرت فيك
حدي معلقه عليها:$
كنت أشوفك من قريب
مع جميع الناس عادي
ما تخيلتك حبيب
رايح بقلبي و غادي
قمت افزز لشوفتك
و اتحرى جيتك
انتظر عمري الجديد
بعد ما فكرت فيك
لا تعجب من غلاي
مثلي احساسي تعجب
و انت في يدك هواي
مهتني ولا معذب
يااا عساني ما انحرم
انته ياا اجمل اسم
لا اترك الدنيا و أجيك
بعد ما فكرت فيك
bye ;***
update
الشكل النهائي نفس هاللوك بس مع اختلاف الألوان
الأخضر=برونز
